Son moitos e móvense

Espazos

Cada debuxante ten os seus trucos para se enfrontar á arte de debuxar persoas, xa que o seu movemento fai que sexa complexo aplicar unhas técnicas específicas. Os personaxes son fundamentais nos nosos debuxos, xa que os enriquecen e humanizan, de aí que sexa importante perderlles o medo aos “humanos”. Proporei un taller baseándome na miña experiencia persoal no que desenvolveremos en profundidade tres exercicios nun contorno rodeado de xente que entra e sae, para, fala, le, toma un café e, sobre todo, interactúa. Escolleremos unha persoa e debuxarémola en distintas posicións segundo se vaia movendo, cun trazo rápido, centrándonos só na figura como volume e bosquexando o resto de trazos. Logo tomaremos un punto de referencia, a modo de escenario, e iremos recreando as persoas que por alí pasen; veremos que somos capaces de captarmos as diferenzas entre unhas e outras só con pequenos trazos. Finalmente, faremos un último exercicio, un Sketchestein, unha persoa que se comporá de diversas partes. Para logralo, fixarémonos nas persoas que nos rodean e tomaremos unha parte de cada unha. 
Con estes sinxelos exercicios aprenderemos a soltar ese medo a debuxar persoas en movemento, e a pa