O meu caderno de viaxe

Espazos

Nocións básicas sobre o caderno de viaxe: como enfocalo de xeito creativo. Levarei uns cadernos dos meus inicios e faremos breves apuntamentos con lapis dalgún dos debuxos. Tipos de cadernos e de papeis. Os máis apropiados para sketch. Breve introdución aos materiais que utilizaremos: rotuladores, acuarelas, lapis etc. Nocións básicas de composición a partir da perspectiva, a luz e a cor. O texto como parte relevante do caderno de viaxe. Se o tempo o permite, realizarei un breve apuntamento en caderno do exterior do museo, buscando os puntos básicos de fuga, luz e cor. No interior buscaremos un tema para debuxar.