Teresa Ruivo (Lisboa)
Psicóloga de profesión, comezou a debuxar cadernos hai tres anos, sen pensar que o deseño sería tan importante na súa vida futura. Gústalle debuxar os lugares polos que pasa, os pequenos xestos, as rutinas diarias da xente e diversas situacións que dalgunha maneira a impresionan. Nos seus cadernos esfórzase por ir máis aló da ilustración, para contar unha historia e reflexionar sobre a realidade. Desenvolve, por iniciativa propia, un proxecto no Instituto Portugués de Oncoloxía de Lisboa, Desenhar Contigo, no que leva a cabo un obradoiro semanal con rapaces con enfermidades oncolóxicas, que publica no Instagram @desenharcontigo.
