Pierre Amoudry (Francia)
Ilustrador orixinario de Le Grand Bornand, na Alta Saboia (Francia), Pierre Amoudry viaxa cun caderno na man dende hai máis de vinte anos.
Tras estudar en Lión, en 2006 comeza un caderno de viaxe que recolle o ano que pasou atravesando as rutas de Europa do leste eÁfrica do oeste. O proxecto, Terre de Notes, foi galardoado no encontro de Clermont-Ferrand.
Ademais de realizar murais ou caricaturas, mantén o caderno de viaxe como un exercicio periódico en calquera tipo de situación ou circunstancia: nun barco, entre a multitude, nos Alpes nevados ou no continente africano a 40 graos.
Pintor todo terreo e en calquera formato, utiliza cadernos de gran tamaño para facer panorámicas e colecciona caricaturas da súa contorna en pequenos cadernos… Orixinalidade: a que se espera dun ilustrador pouco formatado!
